Байыр чедириишкини

Дуунгу 17.04. удуртукчулар хуралының соонда Бай-Тайга кожуун чагырга даргазының хүлээлгезин күүседип турар Аржан Хертек биле кожууннуң өөредилге Эргелелиниң начальниги Радион Донгак олар кожуун мурнундан республика чергелиг маргылдааларга болгаш мөөрейлерге төлептиг киришкен өөреникчилерин болгаш «Чылдың башкызы-2023» мөөрейиниң шылгарап үнген башкыларын онзалап, демдеглээш байыр чедирип, тускай шаңналдарны тывыскан.

Күжүгет Ольга Болат-ооловна — Кызыл-Даг ортумак школазының орус дыл, чогаал башкызы, регионалдыг башкы мөөрейиниң дипломантызы, Салчак Кара-кыс Даниловна — Кызыл-Даг ортумак школазының тыва дыл, чогаал башкызы, Адыг-оол Чинчи Хертековна — Тээли ортумак школазынын психолог башкызы, Кызыл-Даг ортумак школазынын директору Кочаа Саяна Санчааевна база Севек Аганак Оюн-оолович -Тээли ортумак школазының төөгү эртеминиң аныяк башкызы болгаш регионалдыг ус-шеверлер мөөрейиниң дипломантылары: Тээли ортумак школазының доозукчузу Хүлер-оол Буянды база ол-ла школаның өөреникчизи Хертек Таймира, Кызыл-Даг ортумак школазының 8-ки клазының өөреникчизи Катан Батый оларга кожууннуң Баштыңының болгаш кожуун Чагыргазының хүндүлүг бижиктери болгаш өөрүп чедириишкин бижиктерин тывыскан.
Чедиишкиннер ам-даа уламчылап-ла турар болзун!