ШАГАА-2023 «ТООЛЗУГ ТООЛАЙ»

Школанын 1-4 база 5-11 класстар аразынга Шагаа байырлалының «Хөглүг-өг» деп аас чогаал мөөрейи школавыска болуп эрткен.
Мөөрейге өөреникчилер дыка идепкейлиг киришкеннер. Аас чогаалының дүрген-чугаа, узун-тыныш, үлегер домак, тывызыктар, кожамык, Шагаа йөрээлин салыры деп хевирлеринге изиг чижиишкинниң түңнелинде шыырак белеткели-биле эге школаның 4-кү клазы шылгарап үнген. 2-ги черге 1-ги класс, 3-күзүнге 2 дугаар класс төлептиг болганнар.
5-11 класстар аразынга мөөрейге 1-ги черни 6 дугаар класс, 2-ги черни 7-ги класс алган.
Мөөрейниң киржикчилериниң аразында 1-ги класстың өөреникчизи Дамба-Хуурак Онурну, 2-ги классчы Байыр-оол Таймирни, 4-кү классчылар Күжүгет Аржаанны, Янсулуну, Айда-Сайны, ортумак класстардан Дагбы Чаянны, Салчак Айсланны, Байыр-оол Тайгананы, Күжүгет Алияна, Салчак Доржуну онзалап демдеглеп болур. Олар онзагай чараш тыва хептерин кедип, аас чогаалының бүгү хевирлеринге салым-чаяанныын көргүскеннер. Шагаа бүдүүзүнде школавыс уруглары бедик көдүрлүүшкүннүг мөөрейге киришкеннер.
#шагаа2023
#ТоолзугТоолайУшастыйНовыйгод_17