Өг-бүледе ийи башкы

РФ-тиң Президентизи Владимир Путинниң шиитпири-биле 2024 чылды Россияда Өг-бүле чылы кылдыр чарлаан.
Тываның Баштыңы бистиң ниитилеливисте өг-бүлениң ролюнче кичээнгейни угландырган. 2024чыл — өг-бүле чылы! ‍ ‍ ‍ Чаштарның бир дугаар өзүп сайзыраар «күрүнези» — ӨГ-БҮЛЕ. Кижизидилге өг-бүледен эгелээр. Ада-иези кандыг болурул, ажы-төлү база дөмей болур. Бичии чаштар шупту чүүлдерни өттүнүксээр, олар эки-бакты ам-даа ылгап билбес болурлар, ынчангаш үлегер чижекти силерден — ада-иезинден, чоок кижилеринден ап турарын утпас болза эки.
Өг-бүлелер кандыг-даа болур:долу (полная семья) — ада-иези иелээ бар, долу эвес (неполная семья) – чүгле авазы азы ачазы ажы-төлүн өстүрүп чоруур. Кандыг-даа байдалының аайы-биле өг-бүлелер турар, дөмей шупту дең эргелиг чурттап чоруурлар. Бистин школада Өг-бүледе ийи башкы кылдыр ажылдап чоруур башкыларвыска бо байырлыг хунде улуг байырны аас-кежикти коллектив мурнундан кузедивис!